এক উজ্জ্বল কেৰিয়াৰ হ’ল ফাৰ্মাচিষ্ট৷ ঔষধ কোম্পানীবোৰে স্মাৰ্ট যুৱক-যুৱতীৰ সন্ধান কৰি থাকে৷ তদুপৰি প্ৰতিষ্ঠিত প্ৰতিষ্ঠানৰ ফাৰ্মাচিষ্ট ডিগ্ৰী বা ডিপ্লমা’ধাৰী প্ৰাৰ্থীয়ে চৰকাৰী হস্পিতাল, নাৰ্ছিংহ’ম, ঔষধালয়, গৱেষণাগাৰ, প্ৰতিষ্ঠান আদিত নিযুক্তি লাভ কৰে৷
নিজাববীয়াকৈও ফাৰ্মাচী স্থাপন কৰিব পাৰে৷ বিভিন্ন ঔষধ কোম্পানীত মেডিকেল ৰিপ্ৰেজেণ্টেটিভ, এৰিয়া মেনেজাৰ, ৰিজ’নেল মেনেজাৰ, জ’নেল মেনেজাৰ, জেনেৰেল মেনেজাৰ, প্ৰডাক্ট মেনেজাৰ আদি পদত ক্ৰমান্বয়ে নিযুক্তি লাভ কৰে৷ ইয়াৰ বাবে প্ৰাৰ্থীগৰাকী বিজ্ঞানৰ স্নাতক হ’ব লাগিব৷ অসমৰ চিকিৎসা মহাবিদ্যালয়তো ফাৰ্মাচিষ্ট পাঠ্যক্ৰম আছে৷
বিভিন্ন প্ৰতিষ্ঠানত নামভৰ্তিৰ বাবে কাকত-আলোচনীত বিজ্ঞাপন দিয়া হয়৷ প্ৰৱেশ পৰীক্ষা লিখিত আৰু মৌখিক দুয়োটা হয়৷ দেশত প্ৰায় ৭০ খনতকৈয়ো অধিক চৰকাৰী আৰু বেচৰকাৰী প্ৰতিষ্ঠান আছে৷ তাৰ কেইখনমান হ’ল- ছেইণ্টজন ফাৰ্মাচী কলেজ, বাংগালোৰ, কৰ্ণাটক৷ হমদৰ্দ কলেজ অব ফাৰ্মাচী, মদনগীৰ, দিল্লী, হায়দৰাবাদ কলেজ অব ফাৰ্মাচী হায়দৰাবাদ৷ বম্বে কলেজ অব ফাৰ্মাচী, মুম্বাই৷ গৱৰ্ণমেণ্ট কলেজ অব ফাৰ্মাচী দিল্লী৷
