কোম্পানী সচিব বা ছেক্ৰেটাৰী বৰ্তমান যুগত এক মৰ্যাদাসম্পন্ন বৃত্তি৷ চৰকাৰী-বেচৰকাৰী বাণিজ্যত এই বৃত্তিৰ ব্যাপক পৰিসৰ আছে৷ ইয়াৰ বাবে থকা পাঠ্যক্ৰম সমাপ্ত কৰাৰ পাছত প্ৰাৰ্থীয়ে বিভিন্ন প্ৰতিষ্ঠান, ৰাজহুৱা বা ব্যক্তিগত খণ্ডৰ কোম্পানীত বিভিন্ন পদৰ বাবে আবেদন কৰিব পাৰে৷ কোম্পানীৰ প্ৰশাসনীয়, হিচাপৰক্ষণ, আইনগত আৰু পৰিচালনা বিভাগত দায়িত্বশীল পদ থাকে৷ এই পাঠ্যক্ৰম ‘দি ইন্ষ্টিটিউট অব কোম্পানী ছেক্ৰেটাৰীজ অব ইণ্ডিয়া (ICSI)ই পৰিচালনা কৰে৷
কেন্দ্ৰীয় চৰকাৰৰ উচ্চ পদবীৰ চাকৰিত শিক্ষা মন্ত্ৰালয়ে কোম্পানী সচিবক অনুমোদন জনাইছে৷ বহুতো প্ৰতিষ্ঠানত ICSI-ৰ সদস্যপ্ৰাপ্ত কোম্পানী সচিব নিয়োগ কৰা বাধ্যতামূলক৷ বেংক, চৰকাৰী বাণিজ্যিক কেন্দ্ৰ, ল-বোৰ্ড, চৰকাৰী হিচাপ-নিকাচ বিভাগ, ষ্টক একচেঞ্জযোগে ব্যৱসায় কৰা প্ৰতিষ্ঠাবোৰতো কৰ্মসংস্থাপন পোৱা যায়৷ ব্যক্তিগত প্ৰতিষ্ঠানতো নিয়োগৰ সুবিধা আছে৷ এই পাঠ্যক্ৰম তিনিটা ভাগত বিভক্ত- বুনিয়াদী (Foundation), মধ্যৱৰ্তীকালীন (Intermediate), চূড়ান্ত (Final)৷ ফাইন আৰ্টছৰ বাদে সকলো বিভাগৰ স্নাতক প্ৰাৰ্থীয়ে মধ্যৱৰ্তীকালীন পাঠ্যক্ৰম পঢ়িব পাৰে৷ উচ্চতৰ মাধ্যমিকত উত্তীৰ্ণ প্ৰাৰ্থীয়ে বুনিয়াদী পাঠ্যক্ৰমত নামভৰ্তি কৰিব পাৰিব৷ শিক্ষানুষ্ঠানৰ ঠিকনা – (1) Assam Industrial Development Corporation Ltd, R.G. Baruah Road, Guwahati-24
(2) Eastern India Regional Council, ICST, 18-A, Everest House (18th Floor), 46-C Chouwringee Road, Kolkata-700071.
(3) The Institute of Company Secretaries of India (ICSI), ICSI House, 22 Institutional Area, Lodi Road, New Delhi-110003.
