ৰাজ্য চৰকাৰে ১ জানুৱাৰী ২০১৮ তাৰিখৰ পৰা কাৰ্যকৰী হোৱাকৈ এখন বায়’টেক নীতি ঘোষণা কৰিছে৷ এই বায়’টেক নীতিত উল্লেখ থকা সাহায্যসমূহ হ’ল—
(১) বায়’ টেকন’লজী আন্তঃগাঁথনি নিৰ্মাণৰ বাবে ষ্টাম্প ডিউটি, পঞ্জীয়ন মাচুল, ভূমি শ্ৰেণী নিৰ্দ্ধাৰণৰ মাচুল, জি এছ টি আদি নিৰ্দ্ধাৰিত কৰ্তৃপক্ষক ঘূৰাই দিয়া হ’ব৷
(২) বায়’টেক উদ্যোগসমূহক প্ৰতি ইউনিট বৈদ্যুতিক খৰছ ২ টকাকৈ ৫ বছৰৰ বাবে ঘূৰাই দিয়া হ’ব৷
(৩) ১০০ শতাংশ বৈদ্যুতিক কৰ ৫ বছৰৰ বাবে ঘূৰাই দিয়া হ’ব৷
(৪) (ক) সমতল বায়’ টেকন’লজী উদ্যানত স্থাপন হোৱা উদ্যোগসমূহে ৩০ শতাংশ সৰ্বোচ্চ ৩০ কোটি টকা পৰ্যন্ত ৰাজ সাহায্য লাভ কৰিব৷
(খ) উলম্ব বায়’ টেলকন’লজী উদ্যানত স্থাপন কৰা উদ্যোগসমূহে প্ৰতি বৰ্গ ফুটত ৪০০ টকাকৈ সৰ্বোচ্চ ৩০ কোটি টকা ৰাজ সাহায্য লাভ কৰিব৷
(৫) বায়’ টেকন’লজী উদ্যান স্থাপনৰ বাবে ভূমি ক্ৰয় কৰাৰ বিপৰীতে মুঠ খৰছৰ ৩০ শতাংশ সৰ্বোচ্চ ৫ কোটি টকা পৰ্যন্ত সাহায্য আগবঢ়াবলৈ স্থিৰ কৰা হৈছে৷ অৱশ্যে এই সাহায্য উদ্যানখন স্থাপন কৰাৰ পাছতহে দিয়া হ’ব আৰু এই উদ্যানখনত অতিকমেও ৫ টা উদ্যোগ স্থাপন কৰিব লাগিব৷
এইবোৰৰ বাহিৰেও বায়’ টেকন’লজী বিষয়ত উদ্ভাৱন, গৱেষণা, শিক্ষা আদি বিষয়টো বিভিন্ন সাহায্য প্ৰদানৰ ব্যৱস্থা কৰা হৈছে৷
