ৰাজ্য চৰকাৰৰ তথ্য প্ৰযুক্তি নীতি ১ জানুৱাৰী ২০১৮ৰ পৰা ৫ বছৰৰ বাবে কাৰ্যকৰী হৈ আছে৷ এই নীতি যোগেদি আগবঢ়োৱা বিভিন্ন সা-সুবিধাৰ বাবে দিছপুৰ সচিবালয়ৰ ভিতৰতে থকা তথ্য প্ৰযুক্তি সঞ্চালকালয়ৰ লগত যোগাযোগ কৰিব পাৰে আৰু তথ্য প্ৰযুক্তি নীতি বিভাগীয় ৱেবচাইটৰ পৰা ডাউনলোডো কৰিব পাৰে৷ তথ্য প্ৰযুক্তি নীতিৰ যোগেদি আগবঢ়াবলৈ খোজা বিভিন্ন সাহায্যসমূহ হ’ল—
(১) তথ্য প্ৰযুক্তি উদ্যানত স্থাপন কৰিবলৈ বিচৰা আই টি/আই টি ই এছয়ই এছ ডি এম গোট সমূহলৈ ২৫ শতাংশ ৰেহাই মূল্যত ভূমি আৱণ্টন দিবলৈ বিচৰা হৈছে৷ তথ্য প্ৰযুক্তি উদ্যানৰ বাহিৰত স্থাপন কৰা এনে উদ্যোগৰ বাবে চৰকাৰে নিৰ্দ্ধাৰণ কৰা ভূমিৰ মূল্য ৫০ শতাংশ ঘূৰাই দিয়া হ’ব৷ উল্লেখ থাকে যে তথ্য প্ৰযুক্তি উদ্যানত সৰ্বোচ্চ ২৫ একৰ ভূমি আৱণ্টন দিয়া হ’ব আৰু প্ৰতি একৰ ভূমিৰ বিপৰীতে হ’ব লগা বিনিয়োগৰ পৰিমাণ হ’ব লাগিব ৪ কোটি টকা৷ ১০০ কোটি টকাতকৈ অধিক বিনিয়োগ হ’লে পাব লগা সাহায্য প্ৰস্তাৱ অনুসৰি বেলেগ বেলেগ হ’ব৷
(২) আই টি ই এছ উদ্যোগ স্থাপন কৰিলে মূলধনী সাহায্য প্ৰাপ্য খৰছৰ বিপৰীতে প্ৰতিখন আসনৰ বিপৰীতে ১,২০,০০০ টকাকৈ সৰ্বোচ্চ ৩০ কোটি টকা৷
(৩) চলি থকা বি পি অ’ সমূহ যিবোৰ এন ই বি পি এছৰ অধীনত চলি আছে তেনেবোৰ বি পি অ’লৈ অতিৰিক্ত ৩০ শতাংশ মূলধনী সাহায্য আগবঢ়োৱা হ’ব৷
(৪) নতুন তথ্য প্ৰযুক্তি গোটৰ বাবে প্ৰতিজন নিয়োজিত লোকৰ বাবে ১,৫০,০০০ টকাকৈ সৰ্বোচ্চ ৩০ কোটি টকা পৰ্যন্ত সাহায্য আগবঢ়োৱা হ’ব৷
(৫) গৱেষণা আৰু নতুন প্ৰযুক্তি সন্ধান কৰা তথ্য প্ৰযুক্তি খণ্ডৰ উদ্যোগলৈ প্ৰতিজন নিয়োজিত লোকৰ বিপৰীতে ২,৫০,০০০ টকাকৈ সৰ্বোচ্চ ২০ কোটি টকা পৰ্যন্ত সাহায্য আগবঢ়োৱা হ’ব৷
উল্লেখ কৰা পৰিমাণৰ সাহায্য পাবলৈ হ’লে-
(ক) আই টি এছ গোটটিত অতিকমেও ১০০ আসন থাকিব লাগিব৷
(খ) নতুন তথ্য প্ৰযুক্তি গোটটিত অতিকমেও ১০০ লোকক নিযুক্তি দিব লাগিব৷
(গ) চলি থকা বি পি অ’ বোৰত অতিকমেও ১.৫ গুণ নিয়োজিত লোক বুদ্ধি পাব লাগিব৷
(ঘ) গৱেষণা আৰু উন্নয়নত নিয়োজিত তথ্য প্ৰযুক্তি গোটত অতিকমেও ৫০ জন লোকৰ নিযুক্তি হ’ব লাগিব৷
(৭) বৈদ্যুতিক সাহায্যৰ পৰিমাণ হ’ল এনেধৰণৰ :
(ক) আই টি/আই টি ই এছ গোটৰ বাবে প্ৰতিটো ইউনিত ৩ টকাকৈ ৫ বছৰৰ বাবে সৰ্বোচ্চ ১০ লাখ টকা প্ৰতি বছৰত৷
(খ) ই এছ ডি এম গোটৰ বাবে প্ৰতিটো ইউনিত ৬ টকাকৈ বাবে সৰ্বোচ্চ ২০ লাখ টকা প্ৰতি বছৰত৷
(গ) গৱেষণা আৰু উদ্ভাৱন গোটৰ বাবে ৫০ শতাংশ সৰ্বোচ্চ ৬ লাখ টকা প্ৰতি বছৰত, ৫ বছৰৰ বাবে৷
(৮) ভাড়া ঘৰত স্থাপন কৰা আই টি/আই টি ই এছ গোটবোৰৰ বাবে প্ৰতিজন নিয়োজিত কৰ্মচাৰীৰ বিপৰীতে ১০,০০০ টকাকৈ সৰ্বোচ্চ প্ৰতিটো গোটৰ বিপৰীতে ১০ টকা ৩ বছৰৰ বাবে সাহায্য প্ৰদান কৰা হ’ব৷ অৱশ্যে এই সাহায্য লাভ কৰিবলৈ গোটটিত ৫০ জন লোকক নিয়োজিত কৰিব লাগিব৷
(৯) পেটেণ্ট লাভ কৰিবলৈ হোৱা খৰছৰো ৫০ শতাংশ ৰেহাইৰ সুবিধা ৰখা হৈছে৷
উপযুক্তসমূহ সাহায্যৰ বাহিৰেও দিব্যাংগসকলৰ বাবে উদ্গনিমূলক সাহায্য, ই-ৱেষ্ট মেনেজমেণ্ট আৰু এনিম্যচন খণ্ডৰ বাবে বিশেষ সাহায্য আগবঢ়াবলৈ ব্যৱস্থা গ্ৰহণ কৰিছে৷
