নিউ ইণ্ডিয়া এছিউৰেন্স কোম্পানী (এনআইএচিএল)য়ে প্ৰশাসনিক বিষয়া (জেনেৰলিষ্ট আৰু বিশেষজ্ঞ)ৰ পদত নিযুক্তিৰ বাবে বিজ্ঞাপন প্ৰকাশ কৰিছে৷ পহিলা আগষ্টৰ পৰা ইচ্ছুক অৰ্হতাধাৰী প্ৰাৰ্থীয়ে অনলাইযোগে আবেদন কৰিব পাৰিব৷ আবেদনপত্ৰ দাখিলৰ অন্তিম দিন হৈছে ২১ আগষ্ট৷
আগ্ৰহী প্ৰাৰ্থীয়ে www.newindia.co.in ৱেবছাইটৰ জৰিয়তে এই পদৰ বাবে আবেদন কৰিব লাগিব৷ বিজ্ঞাপনত উল্লেখ কৰা অনুসৰি ৪৫০টা খালী পদত প্ৰাৰ্থীক নিযুক্তি দিয়া হ’ব৷ ইয়াৰে ৰিস্ক ইঞ্জিনিয়াৰ ৩৬টা পদ, অট’ম’বাইল ইঞ্জিনিয়াৰৰ ৯৬টা পদ, লিগেলৰ ৭০টা পদ. একাউণ্টৰ ৩০টা পদ, হেল্থৰ ৭৫টা পদ, আইটিৰ ২৩টা পদ আৰু জেনেৰলিষ্টৰ ১২০টা পদ খালী আছে৷
প্ৰাৰ্থীৰ বয়স : আবেদনকাৰীৰ বয়স পহিলা আগষ্ট, ২০২৩ত ২১-৩০ বছৰৰ ভিতৰত হ’ব লাগিব৷
শৈক্ষিক অৰ্হতা : পদ অনুসৰি প্ৰাৰ্থীৰ শৈক্ষিক অৰ্হতা পৃথক নিৰ্ধাৰণ কৰা হৈছে৷ আগ্ৰহী প্ৰাৰ্থীয়ে ৱেবছাইট ভিজিট কৰি সবিশেষ তথ্য আহৰণ কৰিব পাৰিব৷
আবেদন মাচুল : অনুসূচি জাতি, জনজাতি, পিডব্লিউ শ্ৰেণীৰ প্ৰাৰ্থীয়ে ১০০ টকা আৰু অন্যান্য শ্ৰেণীৰ প্ৰাৰ্থীয়ে ৮৫০ টকাৰ মাচুল জমা দিব লাগিব৷
কেনেকৈ আবেদন কৰিব : প্ৰথমে প্ৰাৰ্থীয়ে www.newindia.co.in ৱেবছাইট ভিজিট কৰক৷ এতিয়া হোমপেজত ৰিক্ৰুইটমেণ্ট শিতানত ক্লিক কৰক৷ এতিয়া এপ্লাই অনলাইনত ক্লিক কৰক৷ প্ৰাৰ্থীয়ে নিজৰ নাম ৰেজিষ্ট্ৰাৰ কৰি অনলাইনত আবেদনপত্ৰ পূৰণ কৰক৷ এতিয়া প্ৰয়োজনীয় নথিপত্ৰৰ কপি আপলোড কৰক৷ অনলাইনত আবেদন মাচুল জমা দি আবেদনপত্ৰ দাখিল কৰক৷
