♦ ষ্টাফ ছিলেকচন কমিচন (এছএছচি)-এ সম্প্ৰতি জুনিয়ৰ ইঞ্জিনিয়াৰৰ মুঠ ১৩২৪ খালী পদত নিযুক্তিৰ বাবে অৰ্হতাধাৰী প্ৰাৰ্থীৰ পৰা আবেদন আহ্বান কৰিছে৷ এছএছচিয়ে চিভিল, মেকানিকেল আৰু ইলেক্টিকেল ইঞ্জিনিয়াৰৰ বাবে এই নিযুক্তি প্ৰক্ৰিয়া আৰম্ভ কৰিছে৷ আগ্ৰহী প্ৰাৰ্থীয়ে অহা ১৯ আগষ্টৰ ভিতৰত ৱেবছাইটৰ জৰিয়তে www.ssc.nic.in আবেদন কৰিব পাৰিব৷
খালী পদৰ সবিশেষ : বিজ্ঞাপনত উল্লেখ কৰা অনুসৰি ১৩২৪ পদত প্ৰাৰ্থীক নিযুক্তি দিয়া হ’ব৷ ইয়াৰে ৬১৩টা পদ অসংৰক্ষিত, ১২১টা পদ ইডব্লিউএছৰ, ২৮৮টা পদ অ’বিচি, ৯৬টা পদ অনুসূচিত জনজাতিৰ আৰু ২০৬টা পদ অনুসূচিত জাতিৰ বাবে সংৰক্ষিত৷
বেতন নিৰিখ : নিযুক্তি লাভ কৰা প্ৰাৰ্থীক মাহে ৩৫,৪০০ টকাৰ পৰা ১,১২,৪০০ টকালৈকে বেতন প্ৰদান কৰা হ’ব৷
বয়সৰ সীমা : প্ৰাৰ্থীৰ বয়স ২০-৩২ বছৰৰ ভিতৰত হ’ব লাগিব৷ সংৰক্ষিত শ্ৰেণীৰ প্ৰাৰ্থীয়ে চৰকাৰী নিয়ম অনুসৰি বয়সৰ ঊৰ্ধ্বসীমাৰ ৰেহাই লাভ কৰিব৷
আবেদন মাচুল : প্ৰাৰ্থীয়ে ১০০ টকাৰ আবেদন মাচুল জমা দিব লাগিব৷ মহিলা প্ৰাৰ্থী, অনুসূচিত জাতি, জনজাতি, পিডব্লিউডি আৰু প্ৰাক্তন সৈনিকে আবেদন মাচুল জমা দিব নালাগে৷
নিৰ্বাচন প্ৰক্ৰিয়া : প্ৰাৰ্থীৰ প্ৰথমে কম্পিউটাৰ আধাৰিত লিখিত পৰীক্ষা লোৱা হ’ব৷ ইয়াৰ পাছত ফিজিকেল টেষ্ট আৰু নথিপত্ৰ পৰীক্ষাৰ জৰিয়তে মেধাৰ ভিত্তিত প্ৰাৰ্থীক এছএছচিয়ে নিযুক্তিৰ বাবে নিৰ্বাচন কৰিব৷
কেনেকৈ আবেদন কৰিব : প্ৰাৰ্থীয়ে প্ৰথমে এছএছচিৰ ৱেবছাইট ভিজিট কৰক৷ এতিয়া ৰেজিষ্ট্ৰাৰ লিংকত ক্লিক কৰক৷ ইয়াৰ পাছত প্ৰয়োজনীয় তথ্যপাতি জাম দিয়ক৷ অনলাইনত উপলব্ধ আবেদনপত্ৰ পূৰণ কৰাৰ লগতে প্ৰযোজ্য হ’লে আবেদন মাচুল অনলাইনযোগে জমা দিয়ক৷ ইয়াৰ পাছত আবেদনপত্ৰ জমা দি এটা কপি প্ৰিণ্ট কৰি ভৱিষ্যতৰ প্ৰয়োজনৰ বাবে নিজৰ লগত ৰাখক৷
